لە گشت وەرزەکانی دڵم دای، وەک داری کاژ خۆ دەنوێنی

جوانیت بە هەمووان بەخشیوە، بۆ شەش دانگی دڵ هەوێنی

گەر تا ڕووحم لە جەستە بێت تێ بکۆشم بۆ دڵخۆشیی تۆ

پێم وا نییە بەجێم هێنابێت چاکەی یەک شەونەخوونیی تۆ

ئەی وشەی دایک! ڕووحم بە فیدای ناوت بێت

ئەی دایەگیان! بەهەشت جێی دڵەی غەمینت بێت

بە دڵتەنگیت من غەمبارم، خۆشیت بۆمن دنیا دێنێ

حازرم بۆ وەی غەمبار نەبی خوا ڕووحیشم لێ بستێنێ

فریشتەی خوا! گومان مەکە کە تێپەڕبوونی کات، پیربوونی تۆ، ئاشقبوونم یا گشت کۆسپی ئەم گەردوونە

بتوانێت ناوی تۆم لە دڵ دەربێنێ