نووسین: پێشەوا ئەعزەمپوور

شەوە و شار بووە دەست لە ملانی تزوویەکی ساردی زریان
ئەوبەرەوبەر بە یەک دەکەن دوو دەسماڵە دەڕۆن گەڕیان
زریان سەرچۆپی دەکێشێ شار گاوانی کۆ کردەوە
کوا بارانێک زیندوو ڕاگرێ ڕەشبەڵەکی کانگەی کوردان
داوەت بە ساردی دەبینم وێنەی دڵەی بێ تین و ساردم
تا نەبینم کیژ لەنێو گەڕ، گڕ ناگرێ دەسماڵی زریان
ئەو کیژە دڵۆپێ باران بێت یا کولووی سپیی نەخشاوە
ڕەشبەڵک زیندوو ڕاگرن و گەڕ بداتەوە گەڕی گەڕیان
هۆ هەورە خوێن گەرمەکەی باوەشی ئاسمانی سارد!
ئیزن بدە بە کیژانت ڕووناک بکەن چاوگەی چاومان
سەیرکەری دەوێ داوەت، (پێشەوا) بێت یا ڕێڤینگێ
گەشاوەی کرد گەڕی گەڕیان بەفر و زریان، شار و باران

دەنگ بدەن بەم هۆنراوەیە:

زۆر ناخۆشناخۆشمامناوەندخۆشزۆر خۆش
Loading...

پێشەوا ئەعزەمپوور

دەتوانین بە هەر ئیشێک بێت ڕۆڵێکی بەرچاو بۆ خزمەتکردن بە زێد و وڵات بگێڕین. من وەک لاوێکی خوێندکار و چالاک لە نێو کۆمەڵگادا چم لەدەست بێت بۆ خزمەت بە زمانی دایکی گیان لەسەر دەستانم.

ئەم پۆستە 2 بۆچوونی هەیە

  1. محمد عزیزیان

    بژیت و بمێنی🌾

  2. ناشناس

    جێگای شانازیە وێنەی زۆربێت ❤️

بۆچوونتان لە ژێرەوە بنووسن (بڵاوکردنەوە دوای پێداچوونەوەیە!):